धूम्रपान र सुर्तीजन्य पदार्थ सेवनले ज्यान र धन जोखिममा

काठमाडौं । सरकार यतिबेला आगामी आर्थिक वर्षका निम्ति बजेट तर्जुमा गर्ने कार्यमा व्यस्त छ । हरेक वर्षजस्तै यस वर्ष पनि मदिरा र सुर्तीजन्य पदार्थमा करका दर वृद्धि हुने विषय ‘ओपन सेक्रेट’ नै छ ।

सरकारले राजस्व संकलनका निम्ति गतिलो आधार बनाएको मदिरा र सुर्तीजन्य पदार्थको कारोबारलाई यसपटक फरक ढंगबाट सोचिनुपर्नेमा सरोकारवालाले जोड दिएका छन् । मदिरा र सुर्तीजन्य पदार्थको कारोबार राजस्व संकलनको हतियारका रुपमा मात्रै नहेरेर जनस्वास्थ्यका दृष्टिबाट पनि विश्लेषण गरिनुपर्ने आवाज जनस्तरबाट उठेको छ ।