शिक्षा ऐन : मन्त्रालयले माग्यो निजी क्षेत्रको सहयोग

काठमाडौँ- शिक्षा तथा खेलकुदमन्त्री सस्मित पोखरेलले शिक्षा क्षेत्रको नीतिगत तथा संरचनागत सुधारका लागि निजी क्षेत्रसँगको सहकार्यलाई अझ प्रभावकारी बनाइने बताएका छन्। बहुप्रतिक्षित विद्यालय शिक्षा ऐनका लागि शिक्षा मन्त्रालयले निजी क्षेत्रको सहयोग पनि माग गरेको छ।

मंगलबार सिंहदरबारस्थित शिक्षा तथा खेलकुद मन्त्रालयमा एनप्याब्सन, प्याब्सन, हिसानलगायत निजी विद्यालयसँग आबद्ध विभिन्न संघसंस्थाका पदाधिकारी तथा प्रतिनिधिसँग भएको छलफलमा मन्त्री पोखरेलले शिक्षा सुधारका लागि सरकार निजी क्षेत्रसँग मिलेर अघि बढ्न प्रतिबद्ध रहेको धारणा राखे।