नेपाल-चीन उर्जा बैठक : सहकार्यबारे छलफल मात्रै भयो, भएन कुनै समझदारी

नेपाल र चीनका सरकारी अधिकारीबीच मंगलबार उर्जा क्षेत्रमा द्विपक्षीय सहकार्यबारे छलफल भएको छ। विद्युत विकास विभाग र नेपाल विद्युत प्राधिकरणका अधिकारी तथा चीनको नेसनल इनर्जी एडमिनिस्ट्रेसनका अधिकारीबीच उर्जा क्षेत्रमा सहकार्यबारे भर्चुअल छलफल भएको हो।

नेपालका तर्फबाट बैठकको नेतृत्व गरेका विद्युत् विकास विभागका उपमहानिर्देशक सञ्जय ढुंगेलका अनुसार बैठकमा ‘नेपाल-चीन उर्जा क्षेत्र सहकार्य योजना’लाई अन्तिम रुप दिनेबारे छलफल भएको थियो। उक्त योजनालाई अन्तिम रुप दिन संयन्त्र निर्माण गर्नेबारे छलफल भएको उनले उल्लेख गरे।