दिल्लीमा किन गरियो १६ वटा मेट्रो स्टेशन बन्द गर्न आदेश ?

भारत : दिल्ली मेट्रो रेल निगम (डीएमआरसी) ले बुधबार बिहान ११ः२७ बजे सूचना जारी गर्दै १६ वटा मेट्रो स्टेशन अर्को आदेश नभएसम्म बन्द रहने जनाएको छ ।

डीएमआरसीले सामाजिक सञ्जाल एक्समार्फत स्टेशनहरूको सूची सार्वजनिक गर्दै भनेको छ, ‘यी मेट्रो स्टेशनहरू अर्को आदेश जारी नभएसम्म बन्द रहने छन् । तर, राजीव चौक, मण्डी हाउस र सेन्ट्रल सेक्रेटेरियट स्टेशनमा इन्टरचेन्ज (लाइन परिवर्तन) सेवा भने उपलब्ध रहनेछ ।’ मेट्रो स्टेशन किन बन्द गर्न भनिएकोबारे सूचनामा कुनै कुरा खुलाइएको छैन ।