अमेरिकामा चिप उत्पादन गर्न ट्रम्पको दबाब, ताइवानको टीएसएमसीको नाफाको मार्जिन खुम्चिने जोखिम

एजेन्सी । विश्वकै अग्रणी चिप निर्माता ताइवानी कम्पनी टीएसएमसीलाई अमेरिकाभित्रै अत्याधुनिक सेमिकन्डक्टरहरू उत्पादन गर्न राष्ट्रपति डोनल्ड ट्रम्पले दिएको दबाबका कारण कम्पनीको लागत बढ्न थालेको छ भने नाफाको मार्जिनमा समेत संकुचन आएको छ ।

सन् २०२५ मा ट्रम्प पुनः सत्तामा फर्किएसँगै अमेरिकामा उत्पादन नगर्ने कम्पनीहरूमाथि उनले पटक–पटक भन्सार शुल्क (ट्यारिफ) लगाउने धम्की दिँदै आएका छन् । त्यसयता टीएसएमसीले अमेरिकामा कुल २०० अर्ब डलर लगानी गर्ने प्रतिबद्धता जनाइसकेको छ जसमा गत हप्ता मात्रै अत्याधुनिक सेमिकन्डक्टर उत्पादन र प्याकेजिङ केन्द्रहरूका लागि घोषणा गरिएको १०० अर्ब डलरको लगानी पनि सामेल छ ।