'पार्टी तोड्ने होइन, जोड्ने अभियानमा लाग्नुपर्छ': नेता आङ्देम्बे

चितवन-नेपाली कांग्रेस संसदीय दलका नेता भीष्मराज आङ्देम्बेले मुलुकको विकास र राजनीतिक स्थायित्वका लागि नेपाली कांग्रेस एकताबद्ध हुनुपर्ने बताएका छन्। उनले पार्टीलाई फुटाउने होइन, अझ सुदृढ र संगठित बनाउने दिशामा सबै नेता–कार्यकर्ता लाग्नुपर्नेमा जोड दिए।

नेपाली कांग्रेस भरतपुर महानगर समितिले चितवनमा आयोजना गरेको ४४औँ बीपी स्मृति दिवसका अवसरमा आयोजित वृक्षरोपण कार्यक्रमपछि सञ्चारकर्मीसँग कुरा गर्दै नेता आङ्देम्बेले कांग्रेस फुट्नु देशका लागि अभिशाप हुने धारणा व्यक्त गरे।