अमेरिकाबाट निष्कासितपछि पुनः प्रवेश गरे न्यूनतम १० वर्ष जेल सजाय हुने

अमेरिका — अमेरिकामा गैरकानुनी रूपमा बसोबास गरिरहेका वा प्रवेश गरेका आप्रवासी निष्कासितपछि पुनः प्रवेश गरे १० वर्ष जेल सजाय हुने भएको छ ।

‘स्टप इलिगल इन्ट्री एक्ट’ नाम दिइएको बिल गत बिहीबार अमेरिकी प्रतिनिधिसभाबाट पारित भएसँगै अमेरिकामा गैरकानुनी रूपमा बसोबास गरेको, प्रवेश गरेको वा आपराधिक क्रियाकलाप संलग्न भएको आधारमा निष्कासित भइसकेका आप्रवासी पुनः प्रवेश गरे १० वर्षदेखि आजीवन कारावास हुने भएको हो ।