नारायणी तिरका ७० ‘स्ट्रिट क्याफे ’ बन्द गरेर महाधिवेशनमा सहभागी हुने एमालेको उर्दी

काठमाडौं: नेकपा (एमाले) को १०औँ महाधिवेशनका लागि चितवनको नारायणी नदी किनारमा स्टेज बनाइएको छ। नदीका दुबैतर्फबाट महाधिवेशनलाई अवलोकन गर्न सकिने गरी व्यवस्था मिलाइएको एमाले महाधिवेशन मुल व्यवस्थापन समितले जनाएको छ। ५ लाख कार्यकर्तालाई नारायणी किनारमा उतारेर राष्ट्रिय महाधिवेशनको उद्घाटन हुने एमालेको दाबी छ।

महाधिवेशनमा प्रधानमान्त्री तथा नेपाली कांग्रेसका सभापति शेरबहादुर देउवासँगै विभिन्न दलका नेताहरु सहभागी हुनेछन्। महाधिवेशनमा भारत, बंगलादेश, कम्बोडियालगयातका देशका नेता भाग लिनेछन्। चिनियाँ कम्युनिस्ट पार्टीको भिडियो सन्देश सुनाइने प्रचार विभाग प्रमुख योगेश भट्टराईले जानकारी दिए।