नयाँ सत्तासमीकरणको चर्चाबीच कर्णाली कांग्रेस संसदीय दलको बैठक सुरु

सुर्खेत । कर्णाली प्रदेशमा विकसित पछिल्लो राजनीतिक घटनाक्रमका बीच नेपाली कांग्रेस संसदीय दलको बैठक सुरु भएको छ । नेकपा (एमाले) र नेपाल कम्युनिस्ट पार्टी (नेकपा)बीच नयाँ राजनीतिक समीकरण बन्ने संकेत देखिएपछि कांग्रेसले पछिल्लो राजनीतिक अवस्था र आगामी रणनीतिबारे छलफल गर्न संसदीय दलको बैठक बोलाएको हो ।

यसअघि बिहीबार कांग्रेसले आफ्ना संसदीय दलका नेता जीवनबहादुर शाहीलाई मुख्यमन्त्रीका लागि प्रस्ताव गरेको थियो । कांग्रेसले प्रतिपक्ष नेकपासँग सहकार्य गर्दै मुख्यमन्त्री यामलाल कँडेलविरुद्ध प्रदेशसभामा अविश्वासको प्रस्ताव समेत दर्ता गराइसकेको छ ।