च्याम्पियन्स लिगमा पीएसभी पराजित, युनियन सेन्ट गिलोइस विजयी

काठमाडौं । युरोपियन च्याम्पियन्स लिग फुटबल अन्तर्गत मंगलबार राति भएको पहिलो खेलमा नेदरल्यान्डको क्लब पीएसभी आइन्डहोभन पराजित भएको छ । बेल्जियमको क्लब युनियन सेन्ट गिलोइसले पीएसभीलाई ३-१ ले पराजित गरेको हो ।

राति साढे १० बजे सुरु भएको खेलमा युनियन सेन्ट गिलोइसले सुरुवातमै अग्रता लिएको थियो । ९औँ मिनेटमा प्रामिस अकिनपेलुले पेनाल्टीमार्फत गोल गर्दै टोलीलाई अग्रता दिलाए । त्यसपछि ३९औँ मिनेटमा अनुवार एइत एल हाजले दोस्रो गोल गरे ।