सडकको बिचमै २ फिटको नाला ह्वाङ्ग, दुर्घटनाको जोखिमले स्थानीय आक्रोशित

जनकपुरधाम । जनकपुरधाम–९ रामानन्द चोक, साकेतनगरको सडकखण्डमा ढल निर्माण भए पनि सडकको बिचमै भ्वाङ देखिन्छ । उक्त भ्वाङ मुनि नाला छ । त्यसैले उक्त सडक प्रयोग गर्ने पैदल यात्रीदेखि विभिन्न सवारी साधन दुर्घटनाको जोमिममा परेको भन्दै स्थानीयले आक्रोश पोखेका छन् ।

नालाको च्याम्बरमाथिको ढक्कन हाल्न ठेकदारले आलटाल गर्दा दिनहुँ दुर्घटनाको जोखिम बढाएको छ । रामानन्द चोक देखि सङ्कटमोचन मन्दिर, देवी चोक हुँदै रेल्वे स्टेशन पुग्न यो बाटो भएर दिनहुंँ सयौँको सङ्ख्यामा जिप, ई–रिक्सा, मोटरसाइकलको आवतजावत हुने गर्छ ।