मञ्च आसीन नेता देखाउँदै गगन थापालाई उमाकान्तको आग्रह– यी महारथिहरूको सम्मान गर्नुस्

नेपाली कांग्रेसका नेता उमाकान्त चाैधरीले बीपी कोइरालाले जन्माएको पार्टीलाई बलियो बनाउने हो भने जीवित महारथिहरूलाई सम्मान गर्न सभापति गगन थापालाई आग्रह गरेका छन् ।

बीपी स्मृति दिवसमा आयोजित समारोहमा चाैधरीले बाँचेका महारथिहरूको अपमान गरेर कांग्रेसको सम्मान नहुने बताए । उनले भने, 'यहाँ मञ्चमा रहेका महारथिहरूलाई सम्मान नगर्ने हो भने बीपीको सम्मान हुन सक्दैन', चाैधरीले भने 'पार्टीमा एकता चाहने हो भने सभापति गगन थापाज्यू यी नेताहरूको सम्मान गर्नुहोस् । कांग्रेसले यी महारथिहरूको सम्मान गरेन भने अरुले गर्न सक्दैन ।'