गगनसँग एकताको कुरा गरेर काम छैन,नयाँ पार्टी बनाउने हो : मोहन बस्नेत

काठमाडौँ- नेपाली कांग्रेस संस्थापन इतर समूहका नेता मोहनबहादुर बस्नेतले राष्ट्रिय भेला घोषणा गरेर नयाँ पार्टी निर्माणको प्रक्रियामा लाग्नुपर्ने बताएका छन्। ४४औं बीपी स्मृति दिवसको अवसरमा बुधबार आयोजित समारोहलाई सम्बोधन गर्दै नेता बस्नेतले अब एकताको कुरा गरेर नहुने र आजै राष्ट्रिय भेला घोषणा गर्नुपर्ने बताए।

‘उहाँहरू भदौ २ बाट वडा अधिवेशनमा लाग्ने रे। हामी एकता एकता भनेर बसेर काम छैन,’ बस्नेतले भने,‘अब ठ्याक्क आज घोषणा गर्ने अनि पार्टी बनाउने। देशभरि मनपरि भातृ संगठन बनेको छ,भटाभट प्यारालल संगठन हान्ने। महिला, विद्यार्थी सबैलाई अघि बढाउने।’