नेकपाबाट कास्की १ मा राजकाजी उम्मेदवार

पोखरा । नेपाली कम्युनिस्ट पार्टी (नेकपा) ले आसन्न प्रतिनिधिसभा सदस्य निर्वाचनका लागि कास्की क्षेत्र नम्बर १ बाट राजकाजी गुरुङ (करण) लाई उम्मेदवार बनाउने भएको छ । फागुन २१ गतेको चुनावका लागि नेकपाले करणलाई टिकट दिएको हो ।

गुरुङ संविधानसभा सदस्य हुन् । उनी २०६४ को निर्वाचनमा कास्की क्षेत्र नम्बर २ बाट विजयी भएका थिए । २०७० मा उनी पर्वतबाट पराजित भएका थिए भने २०७४ मा कास्की २ (ख) बाट प्रदेश सभा सदस्यमा पराजित भएका थिए ।