प्रशिक्षणका लागि नेपाली पुरुष कबड्डी टोली भारत जाँदै, राखेपद्वारा बिदाइ

काठमाडौँ । जापानमा हुने २० औँ एसियाली खेलकुदको तयारीका लागि नेपाली पुरुष कबड्डी टोली बिहीबार भारतको हरियाणा जाने भएको छ। प्रशिक्षणका लागि टोली हरियाणा जान लागेको हो।

प्रशिक्षणमा सहभागी हुने खेलाडीहरूमा घनश्याम रोका मगर, अङ्कु पुन, आदित चौधरी, प्रकाश गिरी, सुरज बोहरा, संस्कार कुमार, रवि थारु, अशोक जोशी, सागर यादव, कुमार लामा, गणेश पार्की र करुण रसाइली रहेका छन्। घनश्याम, अङ्कु, रवि र करुण पहिले नै भारतमै प्रशिक्षणमा रहेका छन्। घनश्याम हरियाणामै छन् भने बाँकी तीन खेलाडी हिमाचल प्रदेशमा छन्। उनीहरू उतैबाट टोलीमा समावेश हुनेछन्।