पोखरामा आजदेखि दुबई फ्लाइट हुँदै, यसअघि अन्तर्राष्ट्रिय उडान कति भए ?

पोखरा । पोखरा अन्तर्राष्ट्रिय विमानस्थल सञ्चालनमा आएको लामो समयपछि नियमित अन्तर्राष्ट्रिय उडान हुने सम्भावना बढेको छ । आज (बुधबार) साँझदेखि दुबई–पोखरा–दुबई रुटमा उडान हुँदैछ । संयुक्त अरब इमिरेट्स (यूएई) को ध्वजावाहक वायुसेवा कम्पनी फ्लाई दुबईले यो रुटमा नियमित उडान गर्ने तयारी गरेको हो ।

२०७९ पुस १७ गते अंग्रेजी नयाँ वर्षको दिन उद्घाटन भएको पोखरा विमानस्थलमा हालसम्म नियमित उडान प्रभावकारी हुन सकेको छैन । बुधबार साँझ ६ः१५ बजे जहाज पोखरा विमानस्थलमा अवतरण गर्नेछ । त्यसपछि आजै साँझ ७ः१५ बजे पोखराबाट यात्रु लिएर जहाज दुबईका लागि उड्नेछ ।