मुख्य सामग्रीमा जानुहोस्

समाचार

देश

आफैं कोरौं उज्ज्वल भविष्य

annapurnapost.com · Fri May 13 00:38:00 GMT 2022

निर्वाचन लोकतान्त्रिक पद्धति हो। लोकतन्त्रको मेरुदण्ड निर्वाचन हो। लोकतन्त्रले विधि माग्छ। विद्यमान पद्धतिहरूमध्ये निर्वाचनभन्दा सर्वाेत्तम विधि अर्को भेटिएको छैन। नेपालका ७ सय ५३ स्थानीय तहमा नयाँ जनप्रतिनिधिको चयन लोकतान्त्रिक विधिबाट गर्न आज मतदान हुँदैछ। निर्वाचनका अनेक स्वरूपमध्ये सबैभन्दा महत्त्वपूर्ण मतदान हो। पूर्वतयारी र परिणाम मतदान अघि र पछिका प्रक्रिया हुन्। उम्मेदवारबीच स्वच्छ प्रतिस्पर्धा भई मतदाताले भयरहित वातावरणमा मतदान गर्न पाउनु लोकतन्त्रको आधारभूत सर्त हो। मतदानको अघिल्लो साँझसम्म देशभर छिटफुटबाहेक अप्रिय घटना नहुनु सुखद संकेत छ। निर्वाचनको चरण र प्रक्रियाका धेरै काम निर्वाचन आयोग, सरकार, दलहरूले गरेका छन्। मतदाताले अब असल उम्मेदवारलाई मत दिने प्रमुख काम आज गर्नुछ।

देशभरका १ करोड ७७ लाख मतदाता सबैले मतदान गरे भने यो निर्वाचन सार्थक हुन्छ। जहाँसम्म अहिलेसम्मका निर्वाचनमा शतप्रतिशत मतदाताले मतदान गरेको रेकर्ड छैन। देशबाहिर भएर वा विविध कारणले सबै मतदाता मतदानमा सहभागी हुन सक्दैनन्। तर निर्वाचनको मर्म के हुनुपर्छ भने धेरैभन्दा धेरै मतदाताले यसमा सहभागिता जनाऊन्। मतदाताको उत्साहपूर्ण सहभागिताले नै निर्वाचनलाई सार्थक बनाउँछ। निर्वाचनमा भाग लिनु मतदाताको अधिकार र कर्तव्य दुवै हो। आफ्नो जनप्रतिनिधि आफैं चुन्ने व्यवस्था ल्याउन धेरै नेपालीले त्याग, तपस्या, संघर्ष र बलिदान गर्नु परेको छ। साना संघर्षले नेपाली नागरिकलाई मतदानको अधिकार प्राप्त भएको होइन। मतदानमार्फत असल जनप्रतिनिधि चुनेर राज्य सञ्चालनलाई उत्तरदायी र विधिसम्म बनाउने मतदाताको कर्तव्य हो।

स्रोतमा पूरा पढ्नुहोस् (annapurnapost.com)