परराष्ट्रमन्त्री खनाल र अमेरिकी उपविदेशमन्त्री हुकरबीच भेटवार्ता: भोटेकोशी बाढी र पुनर्निर्माणमा छलफल

काठमाडौँ – परराष्ट्रमन्त्री शिशिर खनाल र संयुक्त राज्य अमेरिकाकी राजनीतिक मामिलासम्बन्धी उपविदेशमन्त्री एलिसन हुकरबीच न्युयोर्कमा शिष्टाचार भेटवार्ता भएको छ । संयुक्त राष्ट्रसंघको ८१औँ महासभाका अवसरमा आयोजित साइडलाइन बैठकमा दुवै नेताबीच द्विपक्षीय हितका विषयमा छलफल भएको हो।

भेटका क्रममा नेपाल-अमेरिकाबीचको सात दशकभन्दा लामो मैत्रीपूर्ण सम्बन्धका विविध पक्षका साथै सहकार्यलाई थप सुदृढ बनाउने विषयमा विचारविमर्श भएको थियो। विशेष गरी हालै भोटेकोशीमा आएको भीषण बाढीका कारण पुगेको क्षति, प्रभावित क्षेत्रमा सञ्चालित राहत, उद्धार र पुनर्निर्माणका प्रयासबारे विस्तृत छलफल भएको परराष्ट्र मन्त्रालयले जनाएको छ ।