विल ज्याक्सको अलराउन्ड प्रदर्शनमा इङ्ल्यान्डको सहज जित: श्रीलङ्का ८९ रनले पराजित

काठमाडौँ – अलराउन्डर विल ज्याक्सको सानदार प्रदर्शनको मद्दतले इङ्ल्यान्डले पहिलो एकदिवसीय अन्तर्राष्ट्रिय क्रिकेटमा श्रीलङ्कालाई ८९ रनले पराजित गरेको छ । जितसँगै आयोजक इङ्ल्यान्डले तीन खेलको शृङ्खलामा १-० को अग्रता लिएको छ।

चेस्टर-ले-स्ट्रिटमा टस हारेर पहिले ब्याटिङको निम्तो पाएको इङ्ल्यान्डले सुस्त र कम बाउन्स भएको पिचमा ४८.१ ओभरमा सबै विकेट गुमाउँदै २६५ रनको सम्मानजनक योगफल तयार पारेको थियो । इङ्ल्यान्डका लागि ह्यारी ब्रुकले सर्वाधिक ६७ रनको योगदान दिए भने जो रुटले ४४ रन बनाए। तल्लो क्रममा विल ज्याक्सले अविजित ४६ रन जोड्दै टोलीलाई प्रतिस्पर्धात्मक स्थितिमा पुर्‍याए। श्रीलङ्काका लागि रंधिका कोलोम्बागेले ३ विकेट लिए ।