मीन विश्वकर्माले पढेर सुनाए देउवाले विदेशबाट पठाएको सन्देश

काठमाडौँ । विदेशको गोप्य भूमिबाट कांग्रेस पूर्व सभापति शेरबहादुर देउवाले सन्देश पठाएका छन् । स्वास्थ्य उपचारमा भन्दै विदेशमा रहेका देउवाको उक्त सन्देश पार्टीको संस्थापनइतर समूहद्वारा आयोजित भेलामा नेता मीन विश्वकर्माले वाचन गरेका थिए।

बीपी कोइरालाको ४४औँ स्मृति दिवसका अवसरमा विदेशबाट पठाइएको सन्देशमा देउवाले प्रजातन्त्र, राष्ट्रियता र समाजवादको संरक्षणका लागि कांग्रेस सदैव दृढ रहने प्रतिबद्धता व्यक्त गरेका छन्। सन्देशमा देउवाले बीपी कोइरालाको मेलमिलापको नीति र जनताको सर्वोच्चताप्रतिको विश्वास आज पनि नेपाली राजनीतिको मुख्य मार्गदर्शक सिद्धान्त रहेको उल्लेख गरेका छन्।