टरिगाउँ विमानस्थल विस्तारका लागि बजेट त छुट्ट्याइयो, कामले गति लिन्छ ?

बुटवल । दाङको तुलसीपुर उपमहानगरपालिका–१२ स्थित टरिगाउँ विमानस्थल विस्तारका लागि संघीय सरकारले करिब २५ करोड रुपैयाँ बजेट विनियोजन गरेसँगै काम अघि बढ्ने आशा पलाएको छ ।

२०११ सालमा सञ्चालनमा आएको टरिगाउँ विमानस्थल सुरुवातमा जति क्षेत्रफलमा थियो, त्यसयता उल्लेख्य रूपमा विस्तार हुन सकेको छैन । हाल विमानस्थलको धावनमार्ग ७५० मिटर लामो छ । धावनमार्ग छोटो भएकै कारण यहाँ ठुला क्षमताका विमान अवतरण गर्न सक्दैनन् ।