बेनफिकालाई ३-२ ले हराउँदै क्यराबाग एफकेको विजयी सुरुवात

काठमाडौँ । युरोपियन च्याम्पियन्स लिग अन्तर्गत बुधबारको खेलमा अजरबैजान क्लब क्यराबाग एफकेले पोर्तुगिज क्लब बेनफिकालाई ३–२ ले पराजित गरेको छ।

बेनफिकाका लागि खेलको सुरुवाती समयमा एन्जो बारेनेचिया र भान्गेलिस पाभ्लिडिसले क्रमशः ६औँ र १६औँ मिनेटमा गोल गर्दै टोलीलाई अग्रता दिलाएका थिए। खेलको ३०औँ मिनेटमा क्यराबागका लिआन्ड्रो अन्ड्राडेले गोल गरे भने ४८औँ मिनेटमा क्यामिलो एन्ड्रेस दुरान मर्केजको गोलले टोलीलाई बराबरीमा ल्याएका थिए। खेलको ८६औँ मिनेटमा ओलेक्सी काश्चुकको गोलले क्यराबागको जीत सुनिश्चित गर्‍यो।