गरिबी उन्मूलनका लागि बहुआयामिक दृष्टिकोण आवश्यक : परराष्ट्र सचिव राई

न्यूयोर्क । परराष्ट्र सचिव अमृतबहादुर राईले गरिबी केवल आयको अभाव नभई आधारभूत क्षमता, सुरक्षा र मानवीय अधिकारबाट वञ्चित हुने अवस्था भएको बताएका छन् ।

संयुक्त राष्ट्रसङ्घको ८१औँ महासभाका क्रममा न्यूयोर्कस्थित संयुक्त राष्ट्र मुख्यालयमा आयोजित उच्चस्तरीय छलफलमा सम्बोधन गर्दै सचिव राईले गरिबी उन्मूलनका लागि बहुआयामिक दृष्टिकोण आवश्यक रहेको बताए ।