इतर समूहका नेताहरूको एकै स्वरः गगन थापा नसच्चिए कांग्रेस फुट्छ

काठमाडौँ । नेपाली कांग्रेसको संस्थापनइतर (निवर्तमान सभापति शेरबहादुर देउवा र नेता डा. शेखर कोइराला) समूहका नेताहरूले विशेष महाधिवेशनबाट सभापति चयन भएका गगन थापाको एकलौटी कार्यशैली नसच्चिए पार्टी विभाजनको बाटोमा जाने चेतावनी दिएका छन् ।

पार्टीका संस्थापक नेता विश्वेश्वरप्रसाद कोइराला (बीपी) को ४४औँ स्मृति दिवसका अवसरमा आयोजित कार्यक्रममा शीर्ष नेताहरूले सामूहिक असन्तुष्टि व्यक्त गर्दै सभापति थापाले सबै पक्षलाई समेटेर अगाडि नबढाए कांग्रेसको अस्तित्व संकटमा पर्ने र अन्ततः पार्टी फुट्ने बताएका हुन् ।