दक्षिण अफ्रिकाविरुद्धको पहिलो टी-२० मा भारतको फराकिलो जित

दक्षिण अफ्रिकाविरुद्धको टी–२० सिरिजको पहिलो खेलमा घरेलु टोली भारत ८ विकेटले विजयी भएको छ । गएराति सम्पन्न खेलमा दक्षिण अफ्रिकाले दिएको १ सय ७ रनको सामान्य लक्ष्य भारतले १६.४ ओभरमा दुई विकेट गुमाएर पूरा गर्‍यो । उसका लागि सूर्यकुमार यादव र केएल राहुलले अर्धशतकीय पारी खेले ।

सूर्यले ३३ बलमा पाँच चौका र तीन छक्कासहित अविजित ५० रन बनाए । अविजित नै रहेका राहुलले ५६ बलमा चार छक्का र दुई चौकाको मद्दतमा ५१ रनको योगदान दिए ।