एमबाप्प कसरी बने उत्कृष्ट ?

काठमाडौं । कतारमा गत आइतबार सम्पन्न विश्वकप फुटबलमा फाइनलिस्ट टिम फ्रान्सका खेलाडी किलियन एमबाप्पेको चर्चा सेलाएको छैन । २३ वर्षीय एमबाप्पेले जुन जादु अर्जेटिनाविरुद्धको फाइनलमा देखाए त्यो विश्वका सबै स्टार खेलाडीलाई समेत लोभ्याउने खालको थियो । विश्वकै स्टार खेलाडीका लागि विश्वकपको फाइनलमा ह्याट्रिक गर्ने एउटा सपना हुन्छ ।

फ्रान्सको टिममा १० नम्बरको जर्सी लगाएर खेल्ने एमबाप्पले त्यो सपना पूरा गरे । पेरिस सेन्ट जर्मेनबाट खेल्ने एमबाप्पे विश्वकै उत्कृष्ट खेलाडीका रूपमा चार वर्षअघि मस्कोमा भएको विश्वकपमा नै देखापरेका थिए । मस्कोमा फ्रान्सले उपाधि जित्दा उनले फाइलनमा क्रोएसियाविरुद्ध गोल गर्दै विश्वकपको फाइनलमा गोल गर्ने दोस्रो टिनेजर बनेका थिए ।