पदको लोभ नभई पार्टी एकताका लागि आग्रह गरेका हौंः खड्का

काठमाडौं । नेपाली कांग्रेसका पूर्व कार्यवाहक सभापति पूर्णबहादुर खड्काले आफू र आफ्नो समूहले पदका लागि कुनै प्रकारको सौदाबाजी नगरेको स्पष्ट पारेका छन्। विशेष महाधिवेशनपछि बनेको संरचनालाई स्वीकार गरे पनि त्यसलाई लिएर पद मागेको भन्ने प्रचार गलत भएको उनको भनाइ छ।

बिपी कोइरालाको स्मृति दिवसका अवसरमा संस्थापन इतर समूहले आयोजना गरेको कार्यक्रममा बोल्दै खड्काले सभापति गगन थापासँग पार्टीभित्रका दुई धारलाई एकीकृत गर्न आग्रह गरेको बताए। उनले ‘हामीलाई जोड्नुस्, सानेपामा स्थान दिनुस्’ भन्ने आग्रहलाई पदको मागका रूपमा व्याख्या गर्नु उचित नभएको बताए।