काँग्रेसको इतर समूहले साउन २९ मा राष्ट्रिय भेला गर्ने

काठमाडौँ । नेपाली काँग्रेसको संस्थापन इतर समूहले पार्टीभित्र देखिएको विवाद समाधानका लागि दबाब बढाउँदै राष्ट्रिय भेला आयोजना गर्ने निर्णय गरेको छ । बीपी कोइरालाको स्मृति दिवसको अवसरमा आयोजित छुट्टै कार्यक्रममा समूहले आगामी साउन २९ गते काठमाडौंमा राष्ट्रिय भेला गर्ने घोषणा गरेको हो ।

इतर समूहका नेता प्रकाशमान सिंहले पार्टीको आगामी १५औँ महाधिवेशन एकताबद्ध वातावरणमा सम्पन्न हुनुपर्ने धारणा राखे । विशेष र नियमित महाधिवेशनका कारण काँग्रेस विभाजनको अवस्थामा पुगेको उल्लेख गर्दै उनले पार्टीलाई पुनः एकताबद्ध बनाउने पहल आवश्यक रहेको बताए ।