एमाले केन्द्रीय कमिटीको बैठकको आज तेस्रो दिन, केन्द्रीय सदस्यले बोल्नेक्रम जारी

काठमाडौं : नेकपा एमालेको जारी केन्द्रीय कमिटीको तेस्रो दिनको बैठक सुरु हुँदैछ। पार्टीको प्रचार तथा प्रकाशन विभागका प्रमुख निरज आचार्यका अनुसार हिजोसम्म १ सय १८ जना केन्द्रीय सदस्यहरुले अध्यक्ष केपी शर्मा ओलीले प्रस्तुत गरेको प्रतिवेदनमाथि धारणा राखिसकेका छन्। आज बाँकी सदस्यहरुले धारणा राख्नेक्रम जारी रहेको छ। केन्द्रीय सदस्यहरुलाई बोल्नका ३ मिनेटको समय निर्धारण गरिएको छ।

आचार्यका अनुसार आज अबरेसम्ममा सबै केन्द्रीय सदस्यले धारणा राखिसकेपछि भोलि पार्टी सचिवालयको बैठक बस्ने तयारी छ। सचिवालय बैठकले केही मह्त्वपूर्ण निर्णय गर्ने र उक्त निर्णयहरू अनुमोदनका लागि पुन केन्द्रीय समितिमा प्रस्तुत गर्ने एमालेको तयारी छ। पार्टीभित्र मतभेदका बीच सुरु भएको बैठकमा अध्यक्ष ओलीले प्रस्तुत गरेको प्रतिवेदनमा अधिकांश सदस्यहरूले समर्थन जनाएका छन्।