नगरपालिकाको अगुवाईमा, सबै जुटे सरसफाईमा

राजविराज । जेनजीले गरेको प्रदर्शन हिंसात्मक भई सरसफाई कार्यमा प्रयोग गरिने सबै सवारी साधन समेत जलेर नष्ट भई फोहर उठ्न नसक्दा नगर दुर्गन्धित भइरहेका बेला मंगलबार राजविराज नगरपालिकाको अगुवाईमा विशेष सरसफाई अभियान चलाईएको छ ।

फुसफुसे वर्षाकाबीच कार्यावाहक नगरप्रमुख इसरत परवीनको अगुवाईमा थालिएको विषेष सरसफाई अभियानमा प्रदेश साँसद किरण कुमारी साह, पत्रकार महासंघका अध्यक्ष श्रवणकुमार देव, सप्तरी युथका कार्यवाहक अध्यक्ष मोहन यादव, प्रहरी नायव उपरीक्षक जितेन्द्र कुमार बस्नेतका साथै सुरक्षाकर्मी र स्थानिय अगुवाहरु उल्लेख्य संख्यामा सहभागी भए ।