पाख्रीबास औद्योगिक ग्रामका भवन अलपत्र, उद्योग चलाउने भनिएको ठाउँमा उम्रियो झाडी

७ असोज, धनकुटा । स्थानीय उत्पादन, सीप र रोजगारीको केन्द्र बनाउने उद्देश्यले धनकुटाको पाख्रीबासमा निर्माण गरिएको औद्योगिक ग्राम सञ्चालनमा नआउँदै झाडीमा परिणत हुन थालेको छ ।

औद्योगिक ग्राम परिसरमा निर्माण गरिएका भवन प्रयोगविहीन छन् । भवन वरिपरि दुबो र झारपात फैलिएको छ । राज्यको लगानीमा संरचना निर्माण भइसके पनि उद्योग सञ्चालनका लागि आवश्यक पूर्वाधार पूरा नहुँदा औद्योगिक ग्राम सुनसान बनेको छ ।