यार्सा संकटले कर्णालीका परिवारको दैनिकी धरापमा, आम्दानी घटेपछि भारत पलायनको चिन्ता

जुम्लाको पातारासी गाउँपालिका–३, हुरी गाउँका ३३ वर्षीय लालिराम बुढाले यार्सागुम्बा संकलन गर्न थालेको झन्डै १७ वर्ष भयो। हरेक वर्षजस्तै यसपटक पनि उनी जेठ २८ गते साथीहरूसँग छिमेकी जिल्ला मुगुको ठूलो मैथान पाटन पुगे। पाँच दिनसम्म कठिन हिमाली बाटो पार गर्दै करिब ३५ हजार रुपैयाँ बराबरको खाद्यान्न, बन्दोबस्तीका सामग्री र ओढ्ने–बिछ्यौना बोकेर पुगेका उनीहरूले जेठ ३ गतेदेखि यार्सा संकलन सुरु गरे।

तर असार ६ गतेसम्म उनको हातमा जम्मा ३ सय ५५ वटा यार्सागुम्बा मात्रै परे। त्यसमा पनि उचित मूल्य नपाएपछि बेच्न नसकी सबै घरमै बोकेर फर्किनुपर्यो।