शिक्षकबारे शिक्षा मन्त्रालयको यस्तो पत्र

काठमाडौँ- शिक्षा तथा खेलकुद मन्त्रालयले सामुदायिक विद्यालयमा कार्यरत शिक्षक राजनीतिक दलका कार्यक्रममा सहभागी भएको विषयमा आवश्यक कारबाही गर्न देशभरका ७७ वटा शिक्षा विकास तथा समन्वय एकाइलाई निर्देशन दिएको छ।

मन्त्रालयको विद्यालय शिक्षा शाखाले मंगलबार जारी गरेको पत्रमा पछिल्ला केही दिनयता बैतडी, बाजुरा, सिन्धुली, सिन्धुपाल्चोक, मुगु, रौतहट र सप्तरी लगायतका जिल्लामा कार्यरत सामुदायिक विद्यालयका शिक्षक राजनीतिक दलका कार्यक्रममा सहभागी भएको भन्ने समाचार सामाजिक सञ्जाल र सञ्चार माध्यममार्फत सार्वजनिक भएको उल्लेख गरिएको छ।