मकवानपुरका दुई मोबाइल टावर दसैँअघि नै सञ्चालनमा आउने

मकवानपुर । मकवानपुरको राक्सिराङ गाउँपालिका–५ चैनपुर र मनहरी गाउँपालिका–६ सुनाचुरीमा निर्माणाधीन दुई मोबाइल टावर दसैँअघि नै सञ्चालनमा ल्याउने गरी काम भइरहेको छ। कैलाश गाउँपालिकाको कानडाँडामा निर्माण भइरहेका थप दुई टावर पनि सञ्चालनको अन्तिम चरणमा पुगेको जानकारी सांसद प्रशान्त उप्रेतीले दिएका छन्।

सांसद उप्रेतीका अनुसार मनहरी गाउँपालिकाका दुई स्थान, इन्द्रसरोवर गाउँपालिकाको एक तथा कैलाश गाउँपालिकाको डाँडाखर्क, नामटार र भार्तासहित थाहा नगरपालिकाको चनवनमा समेत नयाँ टावर निर्माण भइरहेको छ। आवश्यकता अनुसार अन्य स्थानमा रहेका पुराना टावरको स्तरोन्नति प्रक्रिया पनि अगाडि बढाइएको छ।