झापामा मनाइयो बीपी कोइरालाको ४४औँ स्मृति दिवस

झापा । नेपाली कांग्रेसका संस्थापक नेता तथा नेपालका पहिलो जननिर्वाचित प्रधानमन्त्री विश्वेश्वरप्रसाद (बीपी) कोइरालाको ४४औँ स्मृति दिवसका अवसरमा झापामा विभिन्न कार्यक्रम आयोजना गरी मनाइएको छ।

नेपाली कांग्रेस झापाको आयोजनामा बुधबार भएको स्मृति सभा तथा ‘जरा अभियान’ समापन कार्यक्रममा नेपाली कांग्रेसका केन्द्रीय सदस्य वसन्त भट्टराईले बीपीकोइरालाले जीवनभर जनअधिकार, प्रजातन्त्र र लोकतान्त्रिक समाजवादको स्थापनाका लागि सङ्घर्ष गरेको बताए। उनले बिपीको मेलमिलाप नीति, लोकतान्त्रिक मूल्य–मान्यता र जनताप्रतिको प्रतिबद्धता अहिले पनि उत्तिकै सान्दर्भिक रहेको उल्लेख गरे।