प्रज्ञा भवनबाट ‘नयाँ कांग्रेस’ को अभ्यास

नेपाली कांग्रेसका निवर्तमान सभापति शेरबहादुर देउवा र वरिष्ठ नेता शेखर कोइराला पक्षले २९ साउनमा राष्ट्रिय भेला बोलाउने भएको छ। सभापति गगन थापा नेतृत्वको संस्थापन पक्षसँग सहमतिको सम्भावना क्षीण भएको निष्कर्ष निकाल्दै दुवै समूहले राष्ट्रिय भेलामार्फत नयाँ राजनीतिक कार्यदिशा तय गर्ने तयारी गरेका हुन्। नेताहरूका अनुसार भेलाले अलग पार्टी गठनसम्मको बाटो खोल्न सक्छ।

बीपी कोइरालाको ४४औँ स्मृति दिवसका अवसरमा बुधबार नेपाल प्रज्ञा-प्रतिष्ठानमा आयोजित सभाबाट पूर्वमहामन्त्री प्रकाशमान सिंहले राष्ट्रिय भेलाको घोषणा गरेका हुन्। “२९ साउनमा राष्ट्रिय भेला बोलाइएको जानकारी गराउँछौँ,” उनी भन्छन्, “भेलाको कार्यतालिका पछि सार्वजनिक गरिनेछ।”