बोलोग्नाविरुद्ध युभेन्टस १–० ले विजयी

काठमाडौँ । इटालीको सेरी ए अन्तर्गत सोमबार सम्पन्न खेलमा युभेन्टसले बोलोनियालाई १–० ले पराजित गरेको छ । प्रतिस्पर्धात्मक खेलमा युभेन्टसका जुआन काबालले ६४ औँ मिनेटमा निर्णायक गोल गर्दै टोलीलाई महत्त्वपूर्ण जित दिलाए ।

घरेलु टोली बोलोनियाले खेलमा बराबरी फर्काउने प्रयास गरे पनि सफल हुन सकेन । ६९ औँ मिनेटमा बोलोनियाका टोर्ब्योर्न हेग्गेम रातो कार्ड पाएपछि टोली १० खेलाडीमा सीमित हुन पुगेको थियो ।