पर्यावरणीय सीमा असुरक्षित

पृथ्वीलाई स्थिर र सुरक्षित राख्न आवश्यक नौमध्ये सात वटा पर्यावरणीय सीमा असुरक्षित तहमा छन्। वैज्ञानिकका अनुसार समुद्रको तापक्रममा कीर्तिमान, बढ्दो खडेरी, बाढी, डढेलो र अत्यधिक गर्मीका घटनाबिच पृथ्वीको प्राकृतिक प्रणालीमाथिको दबाब निरन्तर बढ्दै गएको र व्यापक तथा दीर्घकालीन परिवर्तनको जोखिम थप गम्भीर बनेको छ।

‘प्लानेटरी हेल्थ चेक–२०२६’ नामक पछिल्लो वैज्ञानिक मूल्यांकनले प्राकृतिक प्रणाली उल्लंघन भएका सात वटै सीमामा अहिलेसम्मकै उच्च स्तरको दबाब सिर्जना भएको देखाएको छ। सन् २०२५ मा समुद्री अम्लीकरण पनि सुरक्षित सीमाभन्दा बाहिर पुगेपछि नौमध्ये सात वटा असुरक्षित तहमा पुगेका हुन्।