भोटेकोशी बाढीमा जुम्लाका ६३ बेपत्ता, ४१ जनाको कुशको श*व बनाएर दाहसंस्कार

भोटेकोशीमा आएको विनाशकारी बाढीमा परी बेपत्ता भएको २८ दिनसम्म जीवित वा मृत अवस्थाबारे कुनै जानकारी नआएपछि जुम्लाको पातारासी गाउँपालिका–४ लाम्रीका १५ जनाका आफन्तले कुशको शव बनाएर सामूहिक दाहसंस्कार गरेका छन्। आफन्त फर्किने आशा बोकेर बसेका परिवार अन्ततः धार्मिक संस्कार पूरा गर्न बाध्य भएका हुन्।

बुधबार लाम्री गाउँका गणेश बुढा, सिंह बुढा, प्रकाश बुढा, सुरेन्द्र बुढा, विशाल बुढा, धनसुर बुढा, भक्त बोहोरा, लालसिंह बोहोरा, गणेश बोहोरा, दीपक बुढा, हिमत बुढा, सन्तोष बुढा, अमर भण्डारी, अनिल भण्डारी र ध्रुव बुढाको कुशको शव बनाई हिन्दु परम्पराअनुसार सामूहिक दाहसंस्कार गरिएको ऋण मोक्ष मावि डिल्लीचौरका प्रधानाध्यापक हरि बहादुर बुढाले बताए।