ग्लोबल साउथ ‘नियम पालना गर्ने’ होइन, ‘नियम निर्माण गर्ने’ भूमिकामा आउनुपर्छ : परराष्ट्रमन्त्री खनाल

काठमाडौँ। परराष्ट्रमन्त्री शिशिर खनालले ग्लोबल साउथका मुलुकहरू अब अरूले बनाएका नियम पालना गर्ने भूमिकामा मात्र सीमित नभई विश्वव्यापी नियम तथा नीति निर्माणमा सक्रिय भूमिका निर्वाह गर्नुपर्ने बताएका छन्।

संयुक्त राष्ट्रसङ्घको ८१औँ महासभाको उच्चस्तरीय सप्ताहका अवसरमा अमेरिकाको न्युयोर्कमा भारतका विदेशमन्त्री डा. एस जयशङ्करको आयोजनामा भएको ग्लोबल साउथका समान विचारधारा भएका मुलुक तथा मित्र राष्ट्रहरूको उच्चस्तरीय मन्त्रीस्तरीय बैठकलाई सम्बोधन गर्दै मन्त्री खनालले विकासशील मुलुकहरूको सामूहिक आवाजलाई विश्वव्यापी शासन प्रणालीमा अझ प्रभावकारी बनाउनुपर्नेमा जोड दिए।