पाइरेसी बढेपछि जाग्यो बोर्ड

काठमाडौं । नेपाली चलचित्र हेर्न जाने दर्शकले चलचित्र मोबाइलबाट खिचेर टुक्राटुक्रा पारेर टिकटक तथा फेसबुकको स्टोरीमा हाल्ने क्रम मौलाएको छ । यसरी पुरै सिनेमाको टुक्रा सामाजिक सञ्जालमा दर्शकले राख्न थालेपछि निर्माताले यो क्रियाकलाप बन्द गर्न हल सञ्चालक र चलचित्र विकास बोर्डलाई दबाब दिँदै आएका थिए ।

यतिबेला भने चलचित्र विकास बोर्ड यस्तो पाइरेसी रोक्न तात्तिएको छ । चलचित्रका दृश्य सिनेमा हलमा खिचेर सामाजिक सञ्जालमा राख्नेलाई अब प्रतिलिपि अधिकार उल्लंघनका रूपमा कानुनी कारबाही गरिने चलचित्र विकास बोर्डका प्रवक्त केएल बुढाथोकीले बताएका छन् ।