लैङ्गिक हिंसा र मदिराजन्य अपराध नियन्त्रणमा कठोर बन्न सुझाव

काठमाडौँ । नेपाली कम्युनिस्ट पार्टीकी सांसद पार्वती बिकले महिला हिंसाका घटनाहरू र समाजमा बढ्दो मदिरा तथा लागुपदार्थको सेवनले निम्त्याएको भयावह स्थितिको अन्त्य गर्न सरकारको ध्यानाकर्षण गराएकी छिन्।

प्रतिनिधि सभाको बुधबारको बैठकमा आकस्मिक समयमा उनले सुर्खेत जिल्लाको चौकुने गाउँपालिकामा हालै घटेको एक हृदयविदारक घटनाको उदाहरण दिँदै आमनागरिक, विशेषगरी महिलाहरूको सुरक्षाको विषयमा गम्भीर प्रश्न उठाएकी छिन्।