इटहरीमा एम्बुलेन्सभित्र भेटियो साढे चार क्विन्टल गाँजा

काठमाडौँ – सुनसरीको इटहरी उपमहानगरपालिका–२० स्थित कोशी लोकमार्गमा बेवारिसे अवस्थामा छाडिएको एक एम्बुलेन्सबाट प्रहरीले ठूलो मात्रामा गाँजा बरामद गरेको छ।

जिल्ला प्रहरी कार्यालय सुनसरीका अनुसार प्रहरी चौकी तरहराबाट खटिएको टोलीले असोज ६ गते मङ्गलबार राति ११:१५ बजे तरहरा पानीपिया जङ्गलको ४ नम्बर ट्याङ्कस्थित कोशी लोकमार्गमा बेवारिसे अवस्थामा रहेको बा २ च ९५७३ नम्बरको एम्बुलेन्स नियन्त्रणमा लिएको हो।