एसियाली खेलकुद : नेपालले खोल्यो जितको खाता

काठमाडौँ – जापानमा जारी २०औँ एसियाली खेलकुद (एसियाड) मा नेपालले पहिलो जित हात पारेको छ। बक्सिङतर्फ ६० केजी तौल समूहमा नेपाली मुक्केबाज खगेन्द्र रोका मगरले मकाउका एल्भिन जोन रेयेस सालिनासलाई पराजित गरेका हुन्।

निशिओ जिम्न्यासियममा बुधबार भएको प्रारम्भिक चरणको प्रतिस्पर्धामा खगेन्द्रले सालिनासलाई ५–० को एकपक्षीय स्कोरमा हराए। जारी एसियाडमा नेपाली खेलाडीले हात पारेको यो नै पहिलो जित हो।