डिडिसीको याक चिज थाइल्यान्ड निर्यात सुरु, पहिलो खेपमा ३० किलो बैंकक पठाइयो

काठमाडौं । दुग्ध विकास संस्थान (डिडिसी)ले हिमाली याकको दूधबाट उत्पादित चिज थाइल्यान्ड निर्यात गर्न थालेको छ। निजी क्षेत्रसँगको सहकार्यमा डिडिसीले औपचारिक च्यानलमार्फत बैंककमा पहिलो खेपका रूपमा ३० किलो याक चिज निर्यात गरेको हो।

डिडिसीका महाप्रबन्धक डा. शरण पाण्डेका अनुसार बैंककमा नेपाली समुदायले सञ्चालन गरेका रेस्टुरेन्टलाई लक्षित गर्दै निर्यात सुरु गरिएको हो। थाई नागरिकहरूमा चिजको माग र रुचि देखिएपछि परीक्षणस्वरूप पहिलो चरणमा ३० किलो याक चिज पठाइएको उनले बताए।