नेपालले जैविक विविधता संरक्षणमा उल्लेखनीय उपलब्धि हासिल गरेको छ : मन्त्री चौधरी

काठमाडौं। कृषि, वन तथा पर्यावरणमन्त्री गीता चौधरीले नेपालले जैविक विविधता संरक्षणमा उल्लेखनीय उपलब्धि हासिल गरेको बताएकी छन्। २० औं संरक्षण दिवस तथा दोस्रो राष्ट्रिय संरक्षण मञ्चका अवसरमा आज यहाँ आयोजित कार्यक्रममा उनले नेपालसँग संरक्षणका लागि नीति, कानुन र संस्थागत संरचनाहरू रहेका र वन क्षेत्र विस्तार तथा बाघ गैडाको संख्या वृद्धि अन्तर्राष्ट्रिय रूपमा उदाहरणीय रहेको उल्लेख गरिन्।

उनले भनिन्, “सबैको साझा प्रयासबाट प्राप्त यस उपलब्धिका लागि नेपाल सरकारका विभिन्न निकाय, सुरक्षाकर्मी, स्थानीय समुदाय, संरक्षणकर्मी, अनुसन्धानकर्ता, विकास साझेदार र सबै सरोकारवाला प्रति धन्यवाद व्यक्त गर्न चाहन्छु।”