‘कम्युनिस्ट भाष्य’ शब्द प्रयोगमा नियमापत्ति

सत्तारुढ राष्ट्रिय स्वतन्त्र पार्टी (रास्वपा) का सांसद रमेश प्रसाईंले प्रतिनिधिसभामा बोलेको ‘कम्युनिस्ट भाष्य’ शब्दप्रति नेपाली कम्युनिस्ट पार्टीकी सांसद पार्वती विकले नियमापत्ति जनाएकी छन्।

बुधबार बसेको प्रतिनिधिसभाको बैठकको शून्य समयमा बोल्दै प्रसाईंले प्रधानमन्त्रीको संयुक्त राष्ट्रसंघ (यूएन) भ्रमण र सम्बोधन ‘कम्युनिस्ट भाष्य’ जस्तो नभई विश्व समुदायलाई नेपालको मुद्दाप्रति समानुभूति गराउने किसिमको हुनुपर्ने बताएका थिए।