तारा गन्न बनेको ‘जन्तर-मन्तर’ कसरी बन्यो दिल्लीको सबैभन्दा ठुलो विरोध प्रदर्शनको केन्द्र ?

काठमाडौँ । आजको समयमा भारतको राजधानी नयाँ दिल्लीस्थित ‘जन्तर-मन्तर’ भन्ने बित्तिकै मानिसहरूको दिमागमा विरोध प्रदर्शन, धर्ना र आन्दोलनको चित्र आउँछ । तर, रोचक कुरा के छ भने, शताब्दीयौं अघि यो ऐतिहासिक स्थलको निर्माण विरोध प्रदर्शनका लागि नभएर ताराहरूको गणना र खगोलीय अनुसन्धानका लागि गरिएको थियो ।

विगत ३० वर्षभन्दा लामो यात्रामा जन्तर-मन्तरले देशका अनेकौँ साना–ठुला जनआन्दोलन र विरोध प्रदर्शनहरूलाई समेटेको छ । तर, यसको स्थापना पछाडि एउटा गहिरो वैज्ञानिक र ऐतिहासिक सोच लुकेको थियो ।