इरानमाथि पुनः नाकाबन्दी लागू गरेयता ९ जहाजको मार्ग परिवर्तन गराइएको अमेरिकी सेनाको दाबी

काठमाडौँ । अमेरिकी सेनाको सेन्ट्रल कमाण्ड (सेन्टकम) ले इरानमाथि पुनः नौसैनिक नाकाबन्दी लागू गरेयता बुधबारसम्म ९ वटा व्यावसायिक जहाजहरूको मार्ग परिवर्तन गराएको र एउटा जहाजलाई निष्क्रिय पारेको जनाएको छ ।

अमेरिका र इरानबिच भएको समझदारी पत्र (एमओयू) भङ्ग भएपछि अमेरिकी राष्ट्रपति डोनाल्ड ट्रम्पको प्रशासनले गत सातादेखि इरानमाथि पुनः नाकाबन्दी लागू गरेको हो । वासिङ्टनले इरानलाई आफ्ना सर्तहरूमा पुनः वार्ताको टेबलमा आउन दबाब दिने उद्देश्यले यो नाकाबन्दी पुनरावृत्ति गरेको बताइएको छ ।