अदालतका फैसला कार्यान्वयनबारे यज्ञमणिको भनाइमा बलावतीको ‘काउन्टर’

अदालतका फैसला कार्यान्वयनको विषयलाई लिएर संसदमा राष्ट्रिय स्वतन्त्र पार्टी (रास्वपा) सांसद यज्ञमणि शर्मा र नेपाली कम्युनिस्ट पार्टी (नेकपा) सांसद बलावती शर्माबीच विवाद भएको छ।

बुधबार संसदमा बोल्दै रास्वपा सांसद शर्माले अदालतका फैसला कार्यान्वयनमा ढिलाइ भइरहेको भन्दै सरकारको ध्यानाकर्षण गराएका थिए। उनले विगत २० वर्षदेखि कार्यान्वयन हुन नसकेका फैसला रहेको बताए। फैसला कार्यान्वयन निर्देशनालयले १८ पटकसम्म पत्र लेख्दा पनि फैसला कार्यान्वयन नभएको उनले बताए। उनका अनुसार १८ वटा मन्त्रालयअन्तर्गतका फैसला कार्यान्वयन हुन बाँकी छन्।